اک دل پھینک عاشق گیا معشوق سے ملنے کو
سونے کی لاکٹ بھی لے گیا گفٹ میں دینے کو
قسمت اچھی تھی گھر میں لیلیٰ ہی اکیلی تھیں
جی بھر باتیں کیں اک دوجے کی تعریفیں کیں
عاشق نے چائے کی اک خواہش لیلیٰ سے کی
کب انکار تھا لیلیٰ کو وہ گفٹ جو پائی تھی
کچن میں وہ تو چلی گئیں پھر چائے بنانے کو
اور یہ ٹی وی دیکھ رہے تھے وقت بتانے کو
لیلیٰ کے موبائل پے جب اک نظر پڑی اس کی
سوچا دیکھوں سیف مجھے کس نام سے کی ہو گی
جانو ہو گا ، جانم ، دلبر ، اونلی ون ہو گا
یا مائی ڈیر ، ڈارلنگ وار لنگ ، کچھ ایسا ہو گا
ڈائل کیا موبائل سے اپنے نمبر پر اس کے
بے تابی کے ساتھ خوشی کی لہر تھی چہرے پے
دیکھا جب اسکرین پے اس کے تن میں لگ گئی آنچ
لکھا تھا اس پر یہ ” کالنگ مرغا نمبر پانچ“
شاعر : محمد حامد/سلیم حامد۔ مجموعہ کلام : نامعلوم۔
انتخاب /ترتیب: ابن ساحل۔(بہ کی بورڈ خود)
