میرا پیغام محبت ، امن اور مساوات تمام انسانیت کے لیے ۔ منجانب "فرخ صدیقی"

Monday, November 18, 2013

جین عر ف ملالہ (انکشافات) !!!

بین الاقوامی شہرت پانے والی ملالہ  یوسفزئی“ کو امن کا نوبل ایوارڈ  تو نہ مل سکا لیکن ایک مقامی ویب سائٹ نے ”ملالہ ڈرامہ “ کا بین الاقوامی راز فاش کردیا ۔ ویب سائٹ کی تفصیلی تحقیقاتی رپورٹ میں دعویٰ کیا گیا ہے کہ ملالہ کا قصہپاکستانی اور امریکی ایجنسیوں کا تیار کردہ ڈرامہ” تھا ، اس پر حملہ بھی جعلی تھا ۔
-*-*-*-*-*-*-*-*-

 ستمبر 2012 میں، پاکستان کی وادئ سوات سے تعلق رکھنے والی ایک پندرہ سالہ طالبہ کے بارے میں رپورٹ ملی کہ اسے طالبان  نے سر میں گولی مار دی ہے۔اس حملے سے پوری دنیا میں غم و غصّے کی لہر دوڑ گئی، اور اس خبر کو مقامی اور بین الاقوامی میڈیا میں وسیع پیمانے پر کوریج دی گئی۔
رپورٹ کے مطابق پاکستانی ڈاکٹروں اور پھر برطانوی ڈاکٹر وں نے ملالہ کے چہرے اور سر کی کئی سرجریاں کیں اور بالآخر اسے بچالیا۔
آج ملالہ  برطانیہ میں رہ رہی ہے اور مسلسل پاکستان میں عورتوں کی تعلیم کے لئے اپنی کوششیں جاری رکھنے کا عزم دہراتی ہے، خصوصاًان علاقوں میں جہاں سننے میں آیا ہے کہ انتہا پسند اور عسکری تنظیمیں لڑکیوں کے اسکول تباہ کر رہی ہیں لیکن یہ کہانی کا صرف ایک رخ ہے- یہ ایک حیرت انگیز داستان ہے جس کا تانا بانا مغربی میڈیا نے بُنا ہے۔
اپریل 2013میں ڈان ڈاٹ کام نے واقعہ کی تحقیقات کرنے کے لئے اپنے سب سے تجربہ کار نامہ نگاروں کا ایک گروپ پانچ ماہ کے لئے سوات بھیجا جن کی تحقیق و تفتیش سے انکشافات کا ایک دل دہلا دینے والا سلسلہ سامنے آیا جو ملالہ کے بارے میں گھڑے گئے مغربی افسانے سے پردہ اٹھاتے ہوئے اصل حقائق بمعہ ثبوت سامنے لاتا ہے۔
اس تحقیق کے اہم نکات مندرجہ ذیل ہیں:
ملالہ سوات میں پیدا ہی نہیں ہوئی بلکہ وہ پشتون ہی نہیں ہے۔
سوات کے ایک معزز ڈاکٹر، امتیاز علی خانزئی نے، جو سوات میں ایک پرائیویٹ ہسپتال اور کلینک چلاتے ہیں، ہمارے نامہ نگاروں کو بتایا کہ ان کے پاس ایک ڈی این اے رپورٹ ہے جس کے مطابق ملالہ پشتون نہیں ہے۔رپورٹ دکھاتے ہوئے  انہوں نے بتایا کہ انہوں نے ملالہ  کا ڈی این اے اس وقت حاصل کیا تھا جب وہ ایک بچی تھی اور اپنے والدین کے ساتھ کان کے درد کی شکایت لے کر کلینک آئی تھی۔
“سال 2012میں اس گولی حملے کے بعد، مجھے یاد آیا کہ میرے پاس ایک بوتل ہے جس میں، میں نے ملالہ کے کان کا میل جمع کر رکھا تھا”،
 ڈاکٹر نے وضاحت دی۔”میرے مریضوں کے کانوں کے میل جمع کرنا میرا مشغلہ ہے-”ان کا دعویٰ تھا کہ ڈی این اے کے مطابق ملالہ ایک سفید فام ہے اور ممکن ہے اس کا تعلق پولینڈ سے ہو- اس دریافت کے بعد ڈاکٹر نے ملالہ کے والد کو فون کیا اور اصرار کیا کہ وہ بتائیں کہ ملالہ کون ہے؟ “وہ گھبرا گئے  اور ہکلانے لگے”، ڈاکٹر نے کہا- “انہوں نے درخواست کی کہ خدارا  وہ اس راز سے پردہ نہ اٹھائیں- میں نے انہیں بتایا کہ میں ایسا نہیں کروں گا اگر وہ مجھے پوری سچائی بتا دیں”پھر انہوں نے مجھے بتایا کہ ملالہ کا اصل نام ‘جین’ ہے وہ سن 1997میں ہنگری میں پیدا ہوئی تھی- اس کو جنم دینے والے اصلی والدین عیسائی مشنری تھے جو 2002 میں سوات آئے اور واپسی کے وقت ملالہ کو اس کے منہ بولے والدین کو بطور تحفہ دے گئے  جو خفیہ طور پر عیسائی ہو گئے  تھے-جب ہمارے نامہ نگاروں نے ڈاکٹر سے پوچھا کہ اب وہ ملالہ کی شناخت کیوں ظاہر کر رہے ہیں تو انہوں نے جواب دیا کہ انہیں یقین تھا کہ ملالہ کو پاکستان مخالف عناصر نے سوات میں بھیجا تھا-
انہوں نے مزید بتایا کہ وہ یہ بھی ثابت کر سکتے ہیں کہ ملالہ کو گولی مارنے والا شخص بھی پشتون نہیں تھا، “میرے پاس اس کے بھی کان کا میل موجود ہے”، ڈاکٹر نے دعویٰ کیا-حملہ آور کے کان کا میل حاصل کرنے کے بعد ڈاکٹر نے دریافت کیا کہ شاید اس کا تعلق اٹلی سے ہے- انہوں نے ہمارے نامہ نگاروں کو مائیکرواسکوپ میں اس شخص کے کان کا میل دیکھنے کی دعوت دی-“یہ جو چھوٹے چھوٹے پیلے رنگ کے ٹکڑے آپ دیکھ رہے ہیں یہ پیزا کے ٹکڑے ہیں”، انہوں نے بتایا-
ڈاکٹر نے ہمیں بتایا کہ جنوری 2012 میں انہوں نے اپنی معلومات پاکستان انٹیلی جنس ایجنسی، آئی ایس آئی، کے چند سینئر ارکان کو ای میل کر دیں-کچھ دنوں بعد ان کے کلینک پر پولیس نے چھاپہ مارا- اس وقت ڈاکٹر صاحب سعودی عرب میں تھے جہاں وہ شاہی خاندان کے چند ارکان کے کانوں کا میل جمع کر رہے تھے- پولیس نے انکے کلینک کے عملے کو ہراساں کیا جو یہ جاننا چاہتے تھے کہ کان کے میل کے نمونے کہاں رکھے گئے ہیں-اس سال جون میں، ڈاکٹر کے پاس ایک جوان آئی ایس آئی افسر آیا جس نے پولیس چھاپے کی معذرت چاہی اور بتایا کہ آئی ایس آئی ملالہ کی اصل شناخت سے بخوبی واقف ہے-
ہمارے بہلانے پھسلانے پر ڈاکٹر نے بالآ خر آئی ایس آئی افسر کاموبائل نمبر دے دیا-تاہم، وہ افسر مستقل ہم سے بات کرنے سے انکار کرتا رہا، بالآخر اس شرط پر مانا کہ ہم اس کا حوالہ ‘ماسٹر ایکس’ کے نام سے دیں گے-ماسٹر ایکس ہمارے ایک نامہ نگار سے زیریں سوات میں لڑکیوں کے ایک خالی اسکول میں ملا- اپنا چہرہ چھپانے کے لئے افسر نے اسپائیڈر مین کا ماسک پہن رکھا تھا-ہمارے نامہ نگار سے بات کرتے ہوئے  اس نے کہا، ” یہ سب تو ایک دن سامنے آنا ہی تھا- میں اتنا خطرناک راز مزید اپنی حد تک چھپا کر نہیں رکھ سکتا- میں ایک سچا محب وطن ہوں”-
انہوں نے پھر مزید کہا: “ایک دن میرے والد نے مجھے بتایا تھا، پیٹر، عظیم طاقت کے ساتھ، عظیم ذمہ داری بھی آتی ہے-”انکے انکشافات ہمیں ایک اور حیرت انگیز دریافت تک لے گئے  (ثبوت کے ساتھ). ملالہ  پر حملہ انٹیلی جنس ایجنسیوں کا ڈرامہ تھاافسر نے نامہ نگار کو بتایا کہ حملے کا پورا واقعہ پاکستانی اور امریکی ایجنسیوں کا منصوبہ تھا تاکہ شمالی وزیرستان میں پاکستان آرمی کی چڑھائی کی راہ ہموار ہو سکے- “یہ سب ایک ڈرامہ تھا، انہوں نے بتایا- “یہ سب اس لئے کیا گیا تاکہ پاکستان آرمی کو شمالی وزیرستان میں داخل ہونے کا بہانہ مل جائے -”
جب یہ پوچھا گیا کہ افسر حملے کا لفظ کیوں استعمال کر رہا ہے جبکہ شمالی وزیرستان تو پاکستان ہی کا حصّہ ہے، تو انہوں نے جواب دیا، ” شمالی وزیرستان ایک خود مختار اسلامی امارت ہے اور یہ صدیوں سے ایسی ہی ہے- تاریخ کی کتابوں میں حقیقت کو مسخ کیا گیا ہے، اور بچوں کو یہ پڑھایا جاتا ہے کہ یہ علاقہ پاکستان کا حصّہ ہے- اس علاقے میں تیل، سونا، تانبا، چاندی، کانسی، کوئلہ، ہیرے، معدنی گیس اور ڈائناسار کی باقیات کے بڑے بڑے ذخائر موجود ہیں- اور یہ امریکی اسی کے پیچھے لگے ہوئے ہیں-”
ہمارے نامہ نگار نے پوچھا کیا اپنے دعوے کو ثابت کرنے کا آپ کے پاس کوئی ثبوت ہے-افسر نے کچھ تصویریں نکالیں اور نامہ نگار کو دکھائیں- تصویر میں کچھ ہڈیاں دکھائی گئیں تھیں- “ڈائناسار کی ہڈیاں”، اس نے وضاحت کی-اس نے مزید کہا: “انہیں شمالی وزیرستان سے طالبان کے آثار قدیمہ ڈویژن نے نکالا تھا- اس کے بعد طالبان کے ارضیات ڈویژن نے ان کا مطالعہ کیا، ان میں تیل، سونا، تانبا، چاندی، کانسی، کوئلہ، ہیرے اور گیس کے نشانات پائے  گئے -”اور اس بات کا کیا ثبوت ہے کہ ملالہ  پر حملے کا ڈرامہ امریکی اور پاکستانی ایجنسیوں نے رچایا تھا؟کاغذ کا ایک ٹکڑا نکال کر ڈاکٹر نے کہا، یہ ہے ثبوت، اسے طالبان کے کوانٹم فزکس ڈویژن نے ڈی کوڈ کیا تھا-”اس کاغذ پر کسی “لب فش” اور “آئل گل” کے درمیان ٹویٹر پر ٹویٹس کے مختصر تبادلے کےا سکرین شاٹس تھے-افسر کا کہنا تھا کہ ٹویٹر پر ‘لب فش’ درحقیقت قطر میں موجود ایک سی آئی اے آپریٹو تھا جبکہ ‘آئل گل’ لاہور میں موجود آئی ایس آئی کا کارندہ تھا- اس تبادلے کا سراغ اور اس کی ڈیکوڈنگ ایک ‘سونامی مامی’ نے کی، جو پاکستان کے صوبہ خیبر پختون خواہ میں صوابی سے تعلق رکھتی ہیں اور پیشے کے لحاظ سے انجنیئر ہیں-ہم یہاں افسر کی طرف سے مہیا کیا گیا، ‘لب فشاور ‘آئل گل’ کے درمیان ٹویٹر تبادلہ شائع کر رہے ہیں:
@لب فش یو، @آئل گل زندگی کیسی چل رہی ہے؟
@آئل گل مزے میں یار
@لب فش @آئل گل قطر آنے کے کوئی امکانات ہیں؟
@آئل گل @لب فش جلد ہی، میں ذرا اپنے او لیول امتحانات سے فارغ ہو جاؤں، بہت عاجز آگیا ہوں
@لب فش @آئل گل ہا ہا، ہاں یہ تو ہے
افسر نے بتایا اس بیچ جب سونامی مامی کو احساس ہوا کہ کیا چل رہا ہے تو وہ بھی کود پڑیں-
@سونامی_مامی ایجنٹس! میں جانتی ہوں تم دونوں کیا کرتے ہو- اسلام مخالف، پاکستان مخالف کمینوں!
@آئل گل دوست تم کون ہو اور ہمیں کیوں بور کر رہے ہو؟
@سونامی_مومی چپ کرو جھوٹے لبرل فاشسٹ ایجنٹس، عمران خان بہترین ہے، تم کمینے این اے 250 پر ایک بلین نقلی فاشسٹ ووٹ سے دھاندلی کرتے ہو، اسلام مخالف پاکستان مخالف، انشااللہ نیا پاکستان! تبدیلی!
افسر نے بتایا کہ اس نے ممتاز پاکستانی زبان دان اور جنگ عظیم دوم کے کوڈ بریکر، مستنصر حسین تارڑ کی خدمات ان مشکوک ٹویٹر تبادلے کو ڈیکوڈ کرنے کے لئے حاصل کیں، اور تب اسے پتا چلا کہ سی آئی اے اور آئی ایس آئی ملالہ  پر حملے کا ڈرامہ تیار کر رہے ہیں-افسر نے ہمارے نامہ نگار کواس کتاب کا مسودہ بھی دیا جس میں سونامی مامی نے اس حملے کے حوالے سے ڈاکٹر، افسر اور مستنصر حسین تارڑ کے مہیا کردہ ثبوت اکھٹا کیے ہیں (ثبوتوں کے ساتھ)-اس کتاب کا عنوان ہوگا “ایک نقلی لبرل ور نقلی لبرل کے ذریعہ نقلی حملہ، کمینو!”
ذیل میں اس کتاب میں کیے گئے دعوؤں کا خلاصہ دیا گیا ہے:
·       یکم اکتوبر، 1997: ملالہ  بڈاپسٹ میں اپنے ہنگیرین والدین کے گھر پیدا ہوئی، اور اس کا نام جین ہے-
·       چار اکتوبر 2002: اس کے والدین سی آئی اے میں بھرتی ہوئے ، جہاں انہیں عیسائی تبلیغی کی مختصر ٹریننگ، ہپناٹزم اور کراٹے سکھائے  گئے –
·       سات اکتوبر 2003: وہ این جی او  ورکرز کی حیثیت سے پاکستان پہنچ کر سوات کی طرف روانہ ہوئے - انہوں نے کم درجے کے آئی ایس آئی ایجنٹ سے رابطہ کیا اور اس کی پوری فیملی کو عیسائی بنایا، اور پھر جین کو ان کے حوالے کر دیا- انہوں نے اس بچی کا نام ملالہ  رکھا جو دل سے عیسائی تھی-
·       تیس اکتوبر 2007: ملالہ نے ایک بلاگ لکھنا شروع کیا جس میں اس نے عسکریت پسندوں کو ہتھیار پھینکنے اور بائبل اٹھا لینے کو کہا-
·       اکیس اکتوبر 2011: عسکریت پسندوں نے اسے اپنے تبلیغی بلاگ بند کرنے اور اس کی بجائے  اپنا ہوم ورک کرنے کی درخواست کی-
·       یکم اکتوبر، 2012: سی آئی اے نے پشتو بولنے والے ایک اٹالین-امریکی (رابرٹ) کو بھرتی کیا جو نیویارک میں رہتا تھا، پھر اسے بندوق چلانے اور اداکاری کا ایک مختصر کورس کرایا-
·       سات اکتوبر 2012: سی آئی اے نے آئی ایس آئی کو ملالہ پر جھوٹے حملے کے منصوبے سے آگاہ کیا، آئی ایس آئی بھی اس منصوبے سے متفق ہو گئی، اور اس حوالے سے ملالہ  اور اس کے والدین کو بریفنگ دی-
·       گیارہ اکتوبر،2012: اٹالین-امریکی، ایک ازبک ہومیو پیتھ ڈاکٹر کے روپ میں سوات پہنچا-
·       بارہ اکتوبر 2012: رابرٹ کو ایک گن دی گئی جس میں خالی گولیاں بھری تھیں- اس نے ملالہ  کی اسکول وین روک کر ملالہ پر فائر کیے- اس نے گولی لگنے کی نقل کی اور اپنے ہاتھ میں چھپائی ہوئی مچلز ٹوماٹو کیچپ کے چھوٹے سے پیکٹ کو کھول کر کیچپ اپنے پورے چہرے پر مل لیا- ایک نقلی ایمبولینس اچانک جائے  واردات پر پہنچی اور ملالہ  کو لے گئی-
دنیا کو یہ بتایا گیا کہ اسے ایک طالبان نے چہرے اور سر میں گولی ماری ہے-میڈیا نے جو کہانی بتائی اس کے مطابق ملالہ کی سہیلیوں کا کہنا تھا کہ گن بردار نے پہلے ملالہ  کے بارے میں پوچھا اور پھر اسے گولی مار دی-لیکن افسر نے ہمارے ساتھ ملالہ کی ایک سہیلی کی گواہی شیئر کی جسے میڈیا کے وسیع مفاد میں دبا دیا گیا تھا-
اس گواہی کے مطابق، ایک شخص نے وین روکی اور پشتو میں چلایا، “جین کون ہے… میرا مطلب جینٹ … نہیں، البرٹا جوہان لوکس؟”لڑکیوں نے حیران ہو کر ایک دوسرے کی طرف دیکھا، اور ڈرائیور وین دوبارہ چلانے ہی والا تھا کہ اس شخص نے گن نکال لی اور چلانا شروع کر دیا ‘انو مومنتو، انو مومنتو…’اور پھر ایک لڑکی سے پوچھا: “تم میری طرف دیکھ رہی ہو؟” جس پر ملالہ نے اپنا اسکول بیگ زمین پر پھینکا اور چلائی (اٹالین میں)،”نہیں بیوقوف، میں تمہاری طرف دیکھ رہی ہوں- ملالہ ، ملالہ ، یاد آیا؟ احمق!”اوہ! کہہ کر اس نے خالی گولیاں چلا دیں-میڈیا پر جو لڑکی ہسپتال میں دکھائی گئی تھی وہ ملالہ  نہیں تھی- افسر نے ہمیں یہ ثابت کرنے کے لئے کچھ اور تصویریں دکھائیں- اس نے اپنے آئی فون پر ہمیں ایک ویڈیو دکھائی جو اس نے حملے کے کئی گھنٹوں بعد بنائی تھی- اس میں ملالہ  مزے سے دریائے  سوات کے نزدیک ایک پہاڑی پر بنجی جمپنگ کر رہی تھی-اس کے بعد افسر نے ہمیں بتایا کہ ہسپتال میں ڈاکٹر کے پاس اس لڑکی کے کان کے میل کے نمونے موجود ہیں- جب ہم نے دوبارہ ڈاکٹر سے رابطہ کیا اور پوچھا ان نمونوں سے کیا ثابت ہوا تو انہوں نے بتایا کہ ان سے حاصل ہونے والے ڈی این اے سے یہ پتا چلا کہ وہ کوئی لڑکی تھی ہی نہیں، وہ تو ایک تکیہ تھا!ڈاکٹر نے بتایا کہ وہ چپکے سے آپریشن روم میں ایک ڈاکیے بن کر گھسنے میں کامیاب ہو گئے  اور جب وہ لڑکی کے کان سے میل نکال رہے تھے اسی دوران انہوں نے اپنے نوکیا فون سے اس کی تصویر بھی بنالی تھی-“میں واپس آیا اور جب تصویر بڑی کر کے دیکھی تو سکتے میں آگیا-”پھر انہوں نے ہمیں تصویر کا پرنٹ آؤٹ دیا-ہمیں یقین ہے کہ پاکستانی اور بین الاقوامی کمیونٹی کے پاس اب مناسب ثبوت موجود ہیں جن کے ذریعہ ملالہ  کی کہانی پر ایک بار پھر سنجیدگی سے غور کیا جا سکے اور اقوام متحدہ سے التماس ہے کے اس معاملے کی بھرپور تحقیقات کرائی جائیں۔
ہمیں جاگنا ہوگا! اغیار کی چالوں کوسمجھنا ہوگا! یہ کسی حد تک بھی جاسکتے ہیں!
اپنی خاطر!  اپنے مستقبل کی خاطر! اپنے پاکستان کی خاطر!
 
تحقیق کار /مصنف :           ندیم پراچہ۔(سینئر صحافی روزنامہ ڈان )
اصل مضمون /انگریزی:       http://dawn.com/news/1048776/
اردو ترجمہ :                       روزنامہ جسارت ، کراچی
اردو ترجمہ:                    http://beta.jasarat.com/international/news/127759

 
ادارہ ”سنپ“ موصوف/جسارت  کا ہمہ تن مشکور وممنون ہے۔
یاد آوری جاری رکھنے کی التماس ۔]شکریہ]

3 : : : ----- ((( تبصرے جات ))):

Khair Mohammad said...

ay allaha hame samjh ata farma.

Imran Zahid said...

مزاحیہ مضمون ہے۔

Ibadur Rehman said...

بہت ہی اچھا معلوماتی مضمون ہے۔

Post a Comment

خوش آمدید